Тыдзень, прысвечаны Дню маці, прайшоў з 08.10. па 13.10.2018г.
У ходзе тыдня ў 1-11 класах прайшлі інфармацыйныя гадзіны “Дзень маці. Гісторыя. Факты. Людзі”, дзе вучні даведаліся пра гісторыю свята, пагаварылі пра славутых жанчын-маці Беларусі.
Святочная праграма “Усё на зямлі пачынаецца з маці” сабрала 12 крастрычніка вучняў 1-4 класаў і іх мам. Арганізатарамі свята сталі вучні 3 класа і іх класны кіраўнік Святлана Іванаўна Нядведская. А ў свточным канцэрце, конкурсах прынялі ўдзел усе вучні. Вядучыя свята Настасся Барэйша і Мікіта Сцефановіч справіліся з гэтай адказнай місіяй.
Святочны канцэрт “Аб той, хто даруе нам жыццё і цяпло” падрыхтавалі вучні 5 - 11 класаў, а арганізатарам сталі сямікласнікі і іх класны кіраўнік Ганна Францаўна Русак.
Круглы стол “Мая мама лепшая за ўсіх!” прайшоў для членаў аб’яднання па інтарэсах “Свет роднай прыроды” (кіраўнік Тамара Яўгеньеўна Аўкштулевіч).
Забаўляльная праграма “Усё лепшае – МАМЕ!” прайшла ў дашкольных групах.
