25.11.2016 года у НПК адбылася літаратурная гасцёўня з удзелам пісьменнікаў Гродзенскага абласнога аддзялення СП Беларусі
У час сустрэчы гучалі вершы гродзенскіх паэтаў у выкананні вучняў і нашых гасцей. Усіх прысутных уразілі вершаваныя творы і песні вядомай паэткі Людмілы Антонаўны Кебіч, старшыні Гродзенскага абласнога аддзялення СП Беларусі. Сваім рамантызмам і шчырасцю захапіла Аліна Эдмундаўна Сабуць, паэтэса, загадчык кафедры беларускай літаратуры ГрДУ імя Янкі Купалы. Свае вершы і пераклады прадставіў публіцы намеснік Гродзенскага абласнога аддзялення СП Беларусі Дзмітрый Мікалаевіч Радзівончык. Госцем гасцёўні стаў і мясцовы паэт Уладзімір Валяр'янавіч Руль. Спадабаліся ўдзельнікам і вершы маладых паэтак Вікторыі Смолкі і Аліны Паўлоўскай, а таксама песні ў выкананні Дзмітрыя і Альжбэты Даўгаполікаў, студэнтаў ГрДУ імя Янкі Купалы. Дацэнт кафедры беларускай літаратуры ГрДУ імя Янкі Купалы Руслан Канстанцінавіч Казлоўскі пазнаёміў старшакласнікаў з перспектывамі, якія дае філалагічны факультэт.
