Першы абласны літаратурна-краязнаўчы форум "Воранаўскія чытанні"
24 лістапада ў адпаведнасці з Праграмай супрацоўніцтва паміж Воранаўскім райвыканкамам і Гродзенскім дзяржаўным універсітэтам імя Янкі Купалы адбыўся першы абласны літаратурна-краязнаўчы форум "Воранаўскія чытанні". На базе нашай школы была арганізавана секцыя "Воранаўшчыне прысвячаецца", дзе шчыра і пранікнёна прагучалі вершы вучняў і настаўнікаў Воранаўшчыны, прысвечаныя малой радзіме, яе славутым землякам і ветэранам. Вызначала пераможцаў кампетэнтнае журы ў складзе намесніка старшыні Гродзенскага аддзялення Саюза пісьменнікаў Беларусі Дзмітрыя Мікалаевіча Радзівончыка, члена Гродзенскага аддзялення Саюза пісьменнікаў Беларусі Аліны Эдмундаўны Сабуць, мясцовых паэтаў Міхаіла Забалотнага і Уладзіміра Руля, маладога аўтара і карэспандэнта мясцовай газеты Марыны Кандратовіч і галоўнага спецыяліста Воранаўскага раённага аддзела адукацыі Запаснік Людмілы Іосіфаўны.
Сярод пераможцаў конкурсу і нашы вучні Сварабовіч Сандра(дыплом I ступені) і Станкевіч Паліна (дыплом II ступені), а таксама настаўнікі Якжык Наталля Віктараўна і Адамчык Надзея Іванаўна (дыпломы I ступені).
Ганарымся нашымі таленавітымі аўтарамі і жадаем ім далейшым творчых поспехаў!
