28 верасня ініцыятыўная група вучняў 8 – 11 класаў з класнымі кіраўнікамі Адамчык Н. І. і Кандрацьевым М. А. у рамках праекта “ШАГ” правялі занятак на тэму “Радзіма мая Беларусь у асобах.
Ад вясёлых стартаў да спартыўных вяршынь” (аб легендах і героях спорту).
Інтэлектуальная гульня “Мы даведаемся” прайшла ў форме віктарыны “40 пытанняў аб спорце”.
Вучні пазнаёміліся з майстрам спорту міжнароднага класа, шматразовым бронзавым і сярэбраным прызёрам этапаў Кубка свету па фехтаванню на інваліднай калясцы, удзльніцай Паралімпійскіх гульняў у Лондане, Рыа – дэ – Жанейра і Токіа Алесяй Макрыцкай, гонарам не толькі нашай Воранаўшчыны, але і ўсёй Беларусі. Па словах нашай зямлячкі, фехтаванне — адзін з самых складаных відаў спорту, але самы цікавы і небяспечны. Вучні прагледзелі відэаролік “Багіня жаноцкасці”, дзе Алеся паўстала ў вобразе багіні Дэметры.
Падводзячы вынікі занятку, вучні абмеркавалі падрыхтаваныя старонкі віртуальнага альбома пра Алесю Макрыцкую.
