01.05.2022 г. Экскурсія Канвелішкі - Хатынь - Курган Славы
1 мая 2022 года, ў рамках работы па рэалізацыі рэспубліканскага інавацыйнага праекта па грамадзянска-патрыятычным выхаванні і мерапрыемстваў Года гістарычнай памяці навучэнцы 1-11-ых класаў разам з класнымі кіраўнікамі Пукель А.А, Русак Г.Ф., Кандрацьевым М.А., здзейснілі вандраванне па гістарычных мясцінах, якія захоўваюць цяжкія старонкі гісторыі перыяду Вялікай Айчыннай вайны, гісторыі партызанскага руху ў Беларусі. Выбраны маршрут завёў нас у Хатынь, а затым у Мінск, на Курган Славы..
Мэтай экскурсіі стала наступнае:
• пашырыць веды вучняў аб трагічных падзеях Вялікай айчыннай вайны;
• стварыць умовы для выхавання патрыятызму і нацыянальнага гонару.
Пасля праведзенай інфармацыйнай гадзіны "Пра што звоняць званы Хатыні?" у сакавіку гэтага года, вучні ўжо былі знаёмыя з гісторыяй трагедыі вёскі Хатынь і стварэння мемарыяльнага комплексу. Ім яшчэ цікавей было пабываць у гэтым святым месцы, вядомым практычна кожнаму беларусу, ускласці кветкі і ўшанаваць памяць загінуўшых хвілінай маўчання.
Недалёка ад былой вёскі Хатыні ганарлівыя шпілі ўзносіць да неба адзін з самых галоўных беларускіх ваенных мемарыялаў - Курган Славы, узведзены ў памяць аб Вялікай Перамозе. Менавіта ў гэтых месцах у ліпені 1944 года праходзіла аперацыя "Баграціён", падчас якой у акружэнне трапіла 105-тысячная групоўка гітлераўскіх войскаў. Яна была разгромлена, і гэтая падзея стала вырашальным крокам на шляху да вызвалення Беларусі ад нямецка-фашысцкіх захопнікаў.
Экскурсія была пазнавальнай, цікавай, незабыўная. Яна пакінула след у сэрцы кожнага нашага вучня. Багацце глыбокай, часам складанай для ўспрымання інфармацыі выклікала ў дзяцей пачуццё патрыятызму і гонару за свой народ, бо, што звязана з падзеямі вайны, болем аддаецца ў нашых сэрцах ужо больш сямідзесяці сямі год.
Усё, што звязана са значнымі падзеямі нашага народа, неабходна вывучаць, ведаць і памятаць…
