24.02.2022 г. ШАГ "Гонар за Беларусь. На варце нацыянальнай бяспекі і суверэнітэту"
Народнае паданне гаворыць, што родная зямля можа накарміць чалавека сваім хлебам, напаіць вадой са сваіх крыніц, але абараніць сама сябе яна не можа. Гэта святая справа тых, хто есць хлеб роднай зямлі, п'е яе ваду, дыхае яе паветрам і пранікаецца яе прыгажосцю.
24 лютага 2022 года для навучэнцаў 8-11 класаў у рамках інфармацыйна-адукацыйнага праекта "Школа актыўнага грамадзяніна" прайшоў дзень інфармавання па тэме " Гонар за Беларусь. На варце нацыянальнай бяспекі і суверэнітэту» (аб Узброеных сілах, Памежнай службе, Мытнай службе, МНС).
На сустрэчы прысутнічаў ваенны камісар Воранаўскага раёна, падпалкоўнік ГАЙЖЭЎСКІ Аляксандр Юр'евіч, які расказаў старшакласнікам, што сёння ахова рубяжоў-гэта па-ранейшаму нялёгкая і небяспечная місія. Ад пільнасці і прафесіяналізму воінаў залежыць спакой мільёнаў людзей, эканамічная і ваенная бяспека Рэспублікі Беларусь. Таму прафесія воіна, абаронцы Айчыны заўсёды была, ёсць і будзе ганаровай. Аляксандр Юр'евіч расказаў аб службе ва узброеных сілах Беларусі, заахвоціў юнакоў і дзяўчат паступаць у ваенныя навучальныя ўстановы, берагчы спокой і паважаць людзей.
Сцефановіч З.У сказаў, што сёння беларуская армія – гэта кампактныя Узброеныя Сілы, сфармаваныя па прынцыпу абароннай дастатковасці, здольныя самастойна забяспечыць ваенную бяспеку краіны.
Галоўнае сведчанне таго, што беларуская армія адпавядае сучасным выклікам, – мір на беларускай зямлі. Пражыўшы чвэрць стагоддзя ў незалежнай, мірнай краіне, гнутка рэагуючы на падзеі ў свеце і ля нашых межаў, выступаючы донарам міжнароднай і рэгіянальнай бяспекі, мы ясна бачым, па якім шляху ісці".
