#Канвалія 2024. Гродзеншчына фальклорная.
Восьмы дзень у лагеры прайшоў пад дэвізам "Бабуліна песня і шчырая казка -- аснова жыцця, у дарозе падказка". Чарговы дзень у лагеры "Канвалія" распачаўся з трэніровачнага занятка "Паласа перашкод". Атрымаўшы зарад бадзёрасці, усе сабраліся ў гульнёвы пакой на інформ-дайджэст "Асцярожна!Ядавітыя расліны". Пазнавальная фальклорная экспедыцыя "Паданні родных мясцін" захапіла ўсіх тых, хто цікавіцца гісторыяй роднага краю. Знаёмства з легендамі і паданнямі, наведванне знакамітага камня ў Гайку каля вёскі Больценікі -- усё вызвала захапленне і пакінула ва ўсіх прыемныя ўражанні. Пасля абеду вучні школы і студэнты ГрДУ імя Я.Купалы наведаліся ў музей-крэпасць в. Гайцюнішкі, паспрабавалі крынічнай вады і задаволеныя вярнуліся ў лагер. А вечарам адбыўся святочны фэст "Прысвячэнне ў фалькларысты". Студэнты выступілі з абаронай сваіх паректаў, дзе прадэманстравалі творчыя здольнасці ў нумарах мастацкай самадзейнасці. Усім было цікава і весела. Мерапрыемства закончылася фотасесіяй. Дзень прынёс шмат прыемных уражанняў як выхаванцам, так і гасцям - студэнтам і выкладчыкам універсітэта.
