#Канвелішскія рабінзоны. Шаснаццаты дзень – Воранаўшчына гераічная
Напярэдадні Дня ўсенароднай памяці ахвяр Вялікай Айчыннай вайны і генацыду беларускага народа чарговы дзень у лагеры быў прысвечаны ўшанаванню памяці герояў вайны. Агульналагерным мерапрыемствам стала акцыя "Кветкі – герою". Рабінзоны наведалі месца гібелі Героя Савецкага Саюза А.І.Канарчыка і ўсклалі кветкі да помніка. Мінутай маўчання ўшанавалі памяць усіх воінаў, якія загінулі за мірнае неба над галавой. Пасля вяртання ў лагер здзейснілі віртуальнае падарожжа да помнікаў і абеліскаў Воранаўскага раёна "Прыйсці да Вечнага агню". Свае мары і пажаданні пра мірнае неба над галавой выхаванцы выразілі падчас конкурса малюнкаў на асфальце "Мір вам, людзі!"
Лета – пара падарожжаў і адкрыццяў, калі шмат вольнага часу, таму карыснай была сустрэча з начальнікам інспекцыі па справах непаўналетніх Сіняўскім Дз.М., які напомніў выхаванцам правілы бяспечных паводзін у час летніх канікул. А яшчэ для выхаванцаў быў арганізаваны паказ фільма "Три дня свободы" і, канечне ж, мультфільмы.
