#Канвелішскія рабінзоны. Дванаццаты дзень – Воранаўшчына аграпрамысловая
Дванаццаты дзень у лагеры прайшоў пад дэвізам :"Усе багацці – ад зямлі". І прысвечаны ён быў сельскагаспадарчым арганізацыям Воранаўскага раёна. Таму цэнтральным мерапрыемствам лагера стала віртуальнае падарожжа "Сельскагаспадарчыя арганізацыі Воранаўшчыны", падчас якога рабінзоны расшырылі прадстаўленне пра сельскагаспадарчую працу, даведаліся, якую сельскагаспадарчую прадукцыю выпускаюць працаўнікі нашага раёна. Працягам тэмы стала экскурсія на машынны двор КСУП "Эліт-Агра Больцінікі". Выхаванцы пазнаёміліся з умовамі працы і адпачынку сваіх землякоў, даведаліся пра найбольш запатрабавальныя прафесіі ў сельскай гаспадарцы, адчулі павагу да людзей працы. Пра прафесіі, у тым ліку і сельскагаспадарчыя, ішла размова ў ходзе гульні-віктарыны "Ярмарка прафесій". А інтэлектуальны аўкцыён "Сельская праца ў прыказках і загадках" выявіў найбольш эрудзіраваных, кемлівых і творчых дзяцей, якія добра ведаюць і паважаюць працу на зямлі. Дзень лагера прайшоў цікава і з карысцю.
