08.10.2022 г. Інтэрактыўны дыялог " Кахаць.Жыць.Пазітыўныя прыступкі шчаслівага жыцця"
У суботу класныя кіраўнікі 10 і 11 класаў арганізавалі і правялі інтэрактыўны дыялог, прысвечаны праблеме выбару маральных каштоўнасцяў. Гэта праблема надзвычай актуальная цяпер, таму што для сучаснай моладзі ўсё большае значэнне набываюць каштоўнасці матэрыяльна-бытавога плана і эканамічныя мэты. У час размовы закраналася таксама праблема жыццёвых мэт старшакласнікаў. Даніла Трахімчык, Міхалькевіч Максім расказалі аб сваіх планах на будучы год, калі яны пакінуць школьныя сцены і выйдуць у самастойнае жыццё. Удзельнікі мерапрыемства стараліся, у пісьмовай форме, адказаць на пытанне, ..Што для мяне жыццё? Якое яно для мяне, шчаслівае жыццё?
Мерапрыемства было арганізавана з мэтай даць дзецям першапачатковае ўяўленне аб маральных каштоўнасцях; фарміраваць уменне адрозніваць сапраўдныя і ўяўныя каштоўнасці; заахвочваць да самаўдасканалення, самаразвіцця; садзейнічаць выхаванню адказных адносін да свайго жыцця.
