05.05.2022 г. Урок Памяці, прысвечаны 77-й гадавіне Перамогі ў Вялікай Айчыннай вайне
Сёння, 5 мая ў Канвеліскім НПК прайшоў Урок Памяці пад назвай "Нам гэты свет завешчана берагчы".
Правесці гутарку на важную патрыятычную тэму да навучэнцаў школы прыехала Ганевіч Алена Янаўна - старшыня Воранаўскага раённага Савета дэпутатаў.
Галоўнай мэтай урока стала фарміраванне ў вучняў аб'ектыўнага ўяўлення аб укладзе беларускага народа ў Перамогу ў Вялікай Айчыннай вайне, аб гераічнай спадчыне народа як важнейшага элемента гістарычнай памяці.
Вы, наша маладое пакаленне, павінны ведаць, паважаць і шанаваць гераічнае мінулае нашых землякоў, бо нам свет гэты завешчана берагчы - адзначыла Алена Янаўна.
- Нашы дзеці шмат ведаюць пра Вялікую Айчынную вайну з урокаў гісторыі, мерапрыемстваў праекта «ШАГ», пазакласных мерапрыемстваў, - сказала класны кіраўнік 9 класа Алена Браніславаўна Шчуплова.
На Уроку Памяці мы яшчэ раз перагарталі старонкі гісторыі той страшнай вайны, разважалі аб тым, што перажылі падчас вайны маладыя закаханыя Мартынава Надзея Савельеўна і Мартынаў Іван Аляксеевіч, як яны знайшлі адзін аднаго ў гады ліхалецця, як стварылі сям'ю і прыехалі працаваць у нашу Канвелішскую школу, дзе пражылі да глыбокай старасці, дзе нарадзіліся іх дзеці і ўнукі. Пачулі іх успаміны аб вайне, але ўжо толькі ў запісе, на плёнцы.
Мы памятаем мінулае і ўпэўнены, што мірная будучыня нашай краіны - у надзейных руках маладога пакалення, дадала Ганна Францаўна Русак і працягнула сваё выступленне, успамінаючы нядаўнюю паездку з вучнямі нашай школы ў Хатынь і на Курган Славы.
Па заканчэнні Урока памяці, навучэнцы 9 - 11 класаў паехалі ў вёску Барташуны, да помніка Героя Савецкага Саюза Аляксандра Канарчыка. Яны ўсклалі кветкі да помніка і ўшанавалі памяць Героя хвілінай маўчання.
Дзень Перамогі ў Беларусі - дзяржаўнае свята. Для нас гэта асаблівы дзень, дзень памяці, глыбокай пашаны і падзякі савецкім воінам, працаўнікам тылу, партызанам і падпольшчыкам.
Асаблівае гучанне яно набывае ў Год гістарычнай памяці.
