11.04.2022 г Урок-рэквіем "Выжыць!… Абавязкова выжыць!"
У рамках акцыі "Нельга забыць. Нельга зразумець", у старшакласнікаў прайшоў урок-рэквіем "Выжыць!… Абавязкова выжыць!", прысвечаны Міжнароднаму дню памяці вязняў фашысцкіх канцлагераў, які адзначаецца ва ўсім свеце 11 красавіка. Ён устаноўлены быў у памяць аб інтэрнацыянальным паўстанні ў Бухенвальдзе. У гэты дзень 1945г вязні захапілі канцлагер і ўтрымлівалі яго да прыходу саюзных войскаў.
Русак Г.Ф прэзентавала відэаролік «Танга смерці», прысвечаны Яноўскаму канцлагеру, які дзейнічаў на тэрыторыі Украіны. Ролік стаў яркім эмацыянальным узрушэннем для моладзі.Акрамя гэтага, суперажывалі боль і страх навучэнцы слухаючы краязнаўчы рэсурс «Слёзы і боль Трасцянца: апавяданне відавочцы», прысвечанае вязню канцлагера «Трасцянец», які цудам застаўся ў жывых.
Найбуйнейшым лагерам смерці на тэрыторыі Беларусі з'яўляўся Малы Трасцянец, створаны СД у наваколлях Мінска. У Трасцянцы фашыстамі былі знішчаны мірныя жыхары, ваеннапалонныя, грамадзяне яўрэйскай нацыянальнасці з Польшчы, Аўстрыі, Германіі, Чэхаславакіі. Канцэнтрацыйны лагер быў створаны ўвосень 1941 гада. Назва «Трасцянец» аб'ядноўвае некалькі месцаў масавага знішчэння людзей: урочышча Благаўшчына - месца масавых расстрэлаў; лагер - побач з вёскай Малы Трасцянец за 10 км ад Мінска па Магілёўскай шашы і урочышча Шашкоўка - месца масавага спалення людзей.
