31.01.2022 г. Віншуем ДАНІЛУ ТРАХІМЧЫКА, прызёра абласнога конкурсу, уладальніка дыплома III ступені даследчых работ "Хрустальная альфа" па беларускай літаратуры.
На сустрэчу з кіраўніцтвам Воранаўскага райвыканкама былі запрошаныя прызёры абласнога ўзроўню прадметных алімпіяд і конкурсу даследчых работ, педагогі, якія займаліся іх падрыхтоўкай.
Залаты фонд таленавітай, мэтанакіраванай моладзі Воранаўшчыны вітаў старшыня райвыканкама Дзмітрый Захарчук.
Падзячныя лісты аддзела адукацыі і падарункі ад раённага выканаўчага камітэта ўручаны прызёрам абласнога этапу алімпіяды 2021-2022 года і пераможцам навукова-даследчых работ..
Сярод іх наш дзесяцікласнік Даніла Трахімчык .
Даніла-прызёр абласнога конкурсу, уладальнік дыплома III ступені даследчых работ "Хрустальная альфа" па беларускай літаратуры.
З гонарам і шчырай удзячнасцю Д. і. Захарчук уручыў падзячны ліст і падарунак Якжык Наталлі Віктараўне, дырэктару Канвелішскага НПК і кіраўніку праекта, чый прафесіяналізм і цярпенне дапамаглі Данілу дасягнуць высокіх вынікаў на навукова-даследчай ніве.
Словы ўдзячнасці за высокія вынікі ў навучанні і выхаванні падрастаючага пакалення, уменне разглядзець і развіць у дзецях здольнасці, зацікавіць навучальным прадметам адрасавала настаўнікам начальнік аддзела адукацыі Валянціна Люленка.
