15.09.2021 года Сафія Кічко прыняла ўдзел у цырымоніі ўзнагароджання пераможцаў рэспубліканскага конкурсу "Залатое пяро "Белай Русі"-2021
Праекту "Залатое пяро" "Белай Русі" 9 гадоў. Апошнія чатыры гады мы прабіваліся на алімп гэтага конкурсу. 5 дыпломаў абласнога ўзроўню, а 2021 год прынёс абсалютную перамогу на заключным этапе ў самай масавай намінацыі "Навучэнцы". Сафіі Кічко ўзнагароду ўручыў Аляксандр Шацько, намеснік старшыні Рэспубліканскай "Белай Русі". Аляксандр Віктаравіч звярнуўся да ўсіх жыхароў Канвелішак і падзякаваў за тое, што ва ўстанове адукацыі і аграгарадку захоўваюцца тыя каштоўнасці, якія аб'ядноўваюць наш народ. Менавіта пра каштоўнісці беларусаў і разважала Сафія ў сваім "пераможным" эсэ. "У Год народнага адзінства хочацца, каб мы ўспомнілі словы Пятра Міронавіча Машэрава, беларускага палітыка і кіраўніка: "Будзем будаваць нашу Беларусь, садзіць сады, ствараць рай на нашай зялёнай зямлі". Цёплая атмасфера цырымоніі пакінула яркія ўражанні. Мы будзем імкнуцца да новых перамог!
