Чацвёрты дзень (краязнаўчы) ў лагеры "Канвалія" прайшоў пад дэвізам: "О, край родны, край прыгожы, мілы кут маіх дзядоў".
Адным з асноўных мерапрыемстваў была праведзена Школа Актыўнага Грамадзяніна, якая мела назву "Незалежная і квітнеючая Беларусь. Мы зрабілі гэта разам" (да Дня Незалежнасці Рэспублікі Беларусь). Выхаванцы прагледзілі відэфільм аб дасягненнях нашай краіны ў розных галінах развіцця.мерапрыемства спрыяла выхаванню ў навучэнцаў пачуцця патрыятызму, гонару за сваю Радзіму, фарміравала іх актыўную грамадзянскую пазіцыю. Літаратурна-музычны вернісаж " Над маім лунае лёсам Беларусь мая" сабраў у актавай зале ўсіх, хто неабыякавы да лёсу сваёй Бацькаўшчыны. Цікавыя і пранікнёныя вершы прачыталі члены Саюза пісьменнікаў Беларусі, дацэнты кафедры беларускай філалогіі Гродзенскага дзяржаўнага ўнівесітэта імя Янкі Купалы
Сабуць А. Э. і Казлоўскі Р. К. студэнты і вучні нашага НПК. Гучалі душэўныя песні і жартоўныя прыпеўкі. З прысутнымі была праведзена пазнавальная віктарына аб родным краі. Гасцінныя героі Дзед і Баба пачаставалі ўсіх духмянымі пірагамі і іншымі стравамі беларускай нацыянальнай кухні. А закончыўся дзень вячэрняй вандроўкай "Легенды і паданні канвелішскіх ваколіц".
